“ბარსელონას” მომდევნო მთავარი მწვრთნელი რომ 53 წლის ესპანელი სპეციალისტი, ერნესტო ვალვერდე გახდება, საიდუმლო აღარავისთვისაა. ამ ინფორმაციას გაოფიციალურებაღა აკლია.
კატალონიურმა Mundo Deportivo-მ ვალვერდეს კონტრაქტის დეტალებიც გაასაჯაროვა. წყაროს ცნობით, ესპანელი მწვრთნელი კატალონიელებთან 2+1 სისტემით იმუშავებს. ეს ნიშნავს, რომ გაფორმდება 2-წლიანი კონტრაქტი ერთი წლით გახანგრძლივების პერსპექტივით.



