“ბარსელონას” ლეგენდა, ჰოლანდიელი ბომბარდირი მცველი, რონალდ კუმანი 25 წლის წინ განხორციელებულ ისტორიულ დარტყმას იხსენებს.
1992 წლის 20 მაისს, ჩემპიონთა თასის ფინალში, “ბარსელონამ” “სამპდორია” კუმანის ერთადერთი გოლით დაამარცხა და პრესტიჟული ტურნირი ისტორიაში პირველად მოიგო.
“სიტყვებით შეუძლებელია გადმოვცე, თუ რა ხდებოდა ბარსელონაში. განსაკუთრებით ძლიერ ემოციებს მე განვიცდიდი, რადგან ერთადერთი გოლის ავტორი ვიყავი. ვამჩნევდი, რომ გულშემატკივრები ძალიან მადლიერები იყვნენ. იმ გოლის გამო, ხალხი მადლობას დღემდე მიხდის.” – ციტირებს კუმანის სიტყვებს Mundo Deportivo.
