პრიმერა დივიზიონის 33-ე ტურის მატჩში, “ბარსელონამ” მადრიდის “რეალზე” 149-ით მეტი ზუსტი გადაცემა გააკეთა. კატალონიური კლუბის მეკარემ, მარკ-ანდრე ტერ შტეგენმა შესანიშნავი შედეგი აჩვენა.
გერმანელი მეკარის მიერ გაკეთებული 43 პასიდან 36 ზუსტი აღმოჩნდა. ტერ შტეგენს “სამეფო კლუბის” მხოლოდ სამმა მოთამაშემ (ტონი კროოსი, დანი კარვახალი და ლუკა მოდრიჩი) აჯობა.
“ბარსელონამ” “რეალი” 3:2 დაამარცხა და “სანტიაგო ბერნაბეუზე” მოპოვებული გამარჯვების წყალობით, პირველ ადგილზე გადაინაცვლა.


