Mundo Deportivo იტყობინება, რომ “პარი სენ-ჟერმენის” ნახევარმცველი ანხელ დი მარია ზაფხულში შესაძლოა, ესპანეთში დაბრუნდეს.
წყაროს თანახმად, არგენტინელი ფეხბურთელით “ბარსელონაა” დაინტერესებული, რომელსაც მისი გაფორმება ჯერ კიდევ 2015 წელს სურდა. მაშინ დი მარიამ არჩევანი პსჟ-ს სასარგებლოდ გააკეთა.
მიმდინარე სეზონში ანხელის ანგარიშზე 9 გოლია. უნდა აღინიშნოს, რომ პსჟ-სა და “ბარსელონას” პირველ მატჩში (0:4), დი მარიამ კატალონიური კლუბის კარში დუბლი გაიფორმა. ადრე ის მადრიდის “რეალის” ღირსებას იცავდა.



