გუშინ, მთელი დღის განმავლობაში, “ბარსელონას” ქართველ გულშემატკივრებში პოპულარული იყო სურათი, რომელზეც კატალონიური Sport-ის გუშინდელი ნომრის ერთ-ერთი გვერდი იყო ნაჩვენები. ეს სურათი იტყობინებოდა, რომ 2017 წლის 6 თებერვალს, საფეხბურთო კლუბმა “ბარსელონამ”, საქართველოში, დაამტკიცა ოფიციალური ფანკლუბი, სახელწოდებით Penya Blaugrana Tbilisi.
გუშინ ღამით კი, ეს ინფორმაცია “ბარსელონას” ოფიციალურმა ვებგვერდმაც დაადასტურა.
ოფიციალურ განცხადებაში ვკითხულობთ: “გასულ ორშაბათს, დირექტორთა საბჭომ ოფიციალურად დაადასტურა 15 ახალი მხარდამჭერთა კლუბი. საერთაშორისო გაფართოების ეგიდით, 6 მათგანი მსოფლიოს სხვადასხვა მხარეს წარმოადგენს – მექსიკა, კუბა, საქართველო, ირანი, შეერთებული შტატენი, შრი ლანკა.
მათ გარდა, 9 მხარდამჭერთა კლუბი დაარსდა კატალონიისა და ესპანეთის ფედერაციებში.”
ჯერჯერობით, დეტალური ინფორმაცია გავრცელებული არაა.
ბმული “ბარსელონას” ოფიციალურ ვებგვერდზე
