“ბარსელონას” ესპანელმა უნივერსალმა, ალეიშ ვიდალმა ბილბაოს “ატლეტიკის” დამარცხების (3:0) შემდეგ კომენტარი გააკეთა.
“ჩვენ მოგება ნამდვილად დავიმსახურეთ. ჩემი გოლებით გუნდს ვეხმარები და ეს მე ძალიან მახარებს. კარგი შეგრძნებაა, როდესაც გოლი გაგაქვეს.
გუნდში მესის, სუარესისა და ნეიმარის ყოლა დიდი ფუფუნებაა. ნეიმარი? მას ძალიან კარგი დრიბლინგი აქვს და შეუძლია ნებისმიერი მეტოქე ჩამოიშოროს.
“ბილბაო” “კამპ ნოუზე” ყოველთვის კარგად თამაშობს, ჩვენ კი ჩვენი საქმე გავაკეთეთ.” – განაცხადა ვიდალმა.



