“რეალ სოსიედადის” მთავარი მწვრთნელი ეუსებიო საკრისტანი, ესპანეთის თასის 1/4-ფინალის განმეორებით მატჩში “ბარსელონასთან” წაგების (2:5) შემდეგ კომენტარს აკეთებს და აცხადებს, რომ კატალონიელებმა მომდევნო ეტაპზე გასვლა დაიმსახურეს.
“შეგვიძლია ვიფიქროთ მოვლენების ისეთ დამთხვევაზე, რომლებსაც სცენარის ჩვენთვის სასარგებლოდ წარმართვა შეეძლოთ. თუმცა, მთლიანობაში, “ბარსელონა” უფრო ძლიერი იყო და ამ გუნდმა ნახევარფინალში გასვლა დაიმსახურა.
არბიტრის გადაწყვეტილების კომენტირებას არ ვაპირებ. ამ ყველაფერზე მაღლა უნდა იდგე. ნებისმიერ შემთხვევაში, ჩემი ფეხბურთელების კმაყოფილი ვარ.” – აცხადებს ეუსებიო.
