“ბარსელონა” მოწინააღმდეგეებს აკვირდება

პეპ გვარდიოლა არასოდეს ცხოვრობს წარსულში მიღწეული წარმატებებით და ყოველთვის სათანადოდ აფასებს და პატივს სცემს მეტოქის გუნდს, რასაც ის ხშირად იმეორებს თავის პრეს-კონფერენციებზე. მან “ემირეითს სთედიუმზე” გაგზავნა რამდენიმე “წყვილი თვალი” ვიდეოკამერებით, რათა მათ ჩაეწერათ იმ გუნდის თამაში, რომელიც ჩემპიონთა ლიგის 1/8 ფინალურ მატჩში შეეცდება შემდეგ ეტაპზე გასასვლელი გზა გადაუკეტოს კატალონიის “ბარსელონას”. რა თქმა უნდა, ეს გუნდი ლონდონის “არსენალია”, რომელიც ინგლისის პრემიერლიგაში, 32 ქულით, მესამე ადგილზე იმყოფება. Sport.es-ზე დაყრდნობით, პეპ გვარდიოლას “ჯაშუშებს” მეორე ლონდონური კლუბის, “ჩელსის” თამაშიც უნდა გადაეღოთ, რომელიც პრემიერლიგაზე “არსენალს” 1 ქულით ჩამორჩება და მეოთხე ადგილს იკავებს. ამ კლუბს “ბარსელონა” წარსულში ძალიან ბევრჯერ შეხვდა, მაგრამ ამჯერად “ლურჯებს” ახალი მწვრთნელი ყავთ და გვარდიოლა წინასწარ ემზადება.