მსოფლიოს ისტორიისა და სტატისტიკის საერთაშორისო ფედერაციის (IFFHS) მონაცემებით “ბარსელონა” 21-ე საუკუნის პირველი დეკადის ევროპის საუკეთესო კლუბია. ფედერაციის დათვლებით, კატალონიურმა კლუბმა 2.459 ქულას მოუყარა თავი და ცოტათი გაასწრო მე-2 ადგილზე გასულ “მანჩესტერ იუნაიტედს”. ინგლისური კლუბები იკავებენ მომდევნო ორ ადგილსაც, “ბარსას” შემდეგ საუკეთესო ესპანური გუნდი კი მადრიდის “რეალია”, რომელიც მე-8 პოზიციაზე იმყოფება.
მონაცემები დათვლილია 21-ე საუკუნის გასული ნაწილის (2001-2010 წლების) მიხედვით. აღსანიშნავია, რომ “ბარსამ” პირველობა მიმდინარე წელს მოიპოვა, 2009 წელს იგი მხოლოდ მეორე იყო “მანჩესტერ იუნაიტედის” შემდეგ. უფრო კონკრეტულად, “ბარსა” ცხრილს სათავეში 21-ე საუკუნის დაწყებიდან 9 წლისა და 9 თვის თავზე მოექცა. ბოლო დრომდე გაურკვეველი იყო კატალონიელები მოიპოვებდნენ საუკეთესოს წოდებას, თუ ინგლისელები. სხვა კლუბებს ამის შანსი არც ჰქონიათ. როგორც ხედავთ, გამარჯვებული, საბოლოოდ, “ბარსელონა” გამოვიდა, რომელმაც 21-ე საუკუნეში უკვე მოასწრო 2-ჯერ ჩემპიონთა ლიგის, 4-ჯერ ესპანეთის ჩემპიონატის, ერთხელ საკლუბო მუნდიალის, ერთხელ უეფას სუპერთასის, ერთხელ ესპანეთის თასისა და 4-ჯერ ქვეყნის სუპერთასის მოგება. გარდა ქულებისა, 21-ე საუკუნეში, ევროპის მასშტაბით, “ბარსა” ტიტულებშიც შეუდარებელია.
აქვე გთავაზობთ გასული დეკადის ევროპის 10 საუკეთესო კლუბს და ასევე, საუკეთესო 850-ს შორის მოხვედრილ ქართულ გუნდებსაც:
| # | კლუბი | ქვეყანა | ქულა |
| 1 | ბარსელონა | ესპანეთი | 2459 |
| 2 | მანჩესტერი | ინგლისი | 2436 |
| 3 | ლივერპული | ინგლისი | 2362 |
| 4 | არსენალი | ინგლისი | 2348 |
| 5 | ინტერი | იტალია | 2275 |
| 6 | მილანი | იტალია | 2237 |
| 7 | ბაიერნი | გერმანია | 2231 |
| 8 | რეალი | ესპანეთი | 2168 |
| 9 | ჩელსი | ინგლისი | 2165 |
| 10 | რომა | იტალია | 1965 |
| 143 | დინამო თ. | 651,5 | |
| 248 | ვიტ ჯორჯია | 460,5 | |
| 284 | ზესტაფონი | 423,0 | |
| 346 | ოლიმპი | 355,0 | |
| 364 | ლოკომოტივი | 338,0 | |
| 412 | სიონი | 299,5 | |
| 437 | ტორპედო | 275,5 | |
| 541 | ამერი | 206,5 | |
| 590 | დინამო ბ. | 175,0 | |
| 691 | კოლხეთი | 127,0 | |
| 712 | ბორჯომი | 119,0 | |
| 786 | დილა | 93,5 | |
| 798 | სპარტაკი ც. | 90,5 | |
| 809 | ბაია | 86,0 | |
| 824 | მერანი | 82,5 |
