ინტერნეტში ალჟირელი ფეხბურთელის სურათი ვრცელდება, სადაც მას კატალონიური გრანდის მაისური აცვია.
სოციალურ ქსელებში “ბარსელონას” ფორმით მყოფი რიად მაჰრეზის ფოტოს გამოქვეყნების შემდეგ, იმატა განხილვებმა მის კატალონიაში ტრანსფერთან დაკავშირებით.
მოგეხსენებათ, 25 წლის შემტევი ნახევარმცველის სახელს “ბლაუგრანას” ადრეც უკავშირებდნენ.
როგორც ცნობილია, “ბარსელონას” ხელმძღვანელობა მზადაა, მაჰრეზის სანაცვლოდ 15 მილიონი გირვანქა სტერლინგი გაიმეტოს.
აღსანიშნავია, რომ მიმდინარე სეზონში მაჰრეზმა “ლესტერის” მაისურით ამ დროისთვის 30 მატჩი ჩაატარა, მეტოქეთა კარი 16-ჯერ აიღო და 10 საგოლე გადაცემა გააკეთა.
