“ბარსა” კავანის აკვირდება

ესპანური რადიო, “კადენა სერ” იტყობინება, რომ “ბარსელონა” დაინტერესდა “ნაპოლისა” და ურუგვაის ეროვნული ნაკრების ფორვარდით, ედისონ კავანით…

23 წლის ფორვარდი ამ სეზონში ძალიან კარგად გამოიყურება. მისი გუნდი, “ნაპოლი”, “სერია ა”–ში მესამე ადგილზეა, რაც კავანის გატანილი 9 გოლის დიდი დამსახურებაცაა. მომავალი სატრანსფერო სეზონისთვის “ბარსას” ხელმძღვანელობა მისი შეძენის საკითხსაც განიხილვას. იგი რომელიმე თავდამსხმელის შემცვლელად მოისაზრება.

თუმცა, იტალიური წყაროები გვაცნობებენ, რომ კავანი ამჟამინდელი გუნდის დატოვებას არ აპირებს. გაცნობებთ, რომ კავანი “ნაპოლიში” იჯარით, “პალერმოდან” იმყოფება. მან “პალერმოსთან” კონტრაქტი, აპრილში, 2014 წლამდე გააფორმა. თავად ფეხბურთელი კი აცხადებს: “აქ მე ხალხი მნიშვნელოვან ფიგურად მთვლის და ჩემდამი სიყვარულსაც გამოხატავენ.”