ლონდონის “არსენალის” მთავარი მწვრთნელი არსენ ვენგერი “ოქროს ბურთთან” დაკავშირებით საუბრობს და აცხადებს, რომ ამ ჯილდოს ლიონელ მესი იმსახურებს.
“ოქროს ბურთის” დიდი მოწინააღმდეგე ვარ, მაგრამ მას აუცილებლად ლეო მესი აიღებს. ამ ჯილდოს დიდი გულშემატკივარი არ ვარ.
ნებისმიერ შემთხვევაში, გამარჯვებული “ბარსელონას” ფეხბურთელი უნდა გახდეს და თუ არჩევანს მათ შორის გავაკეთებთ, მაშინ პრიზი მესიმ უნდა მიიღოს.” – განაცხადა ვენგერმა.
“ოქროს ბურთის” დაჯილდოება დღეს, თბილისის დროით 21 საათსა და 30 წუთზე გაიმართება. პრიზისთვის ლიონელ მესი, ნეიმარი და კრიშტიანუ რონალდუ იბრძოლებენ.
