“რეალის” ლეგენდა: “ბარსელონასა” და “რეალის” შემადგენლობებიდან საუკეთესო ნეიმარია”

“რეალის” ლეგენდა მანოლო სანჩისი მიიჩნევს, რომ “რეალისა” და “ბარსელონას” ფეხბურთელებს შორის, ამჟამად, საუკეთესი ნეიმარია.

“რამე პროგნოზის გაკეთება რთულია. ამ ეტაპზე, “რეალი” უკეთ თამაშობს, მაგრამ ზეწოლამ გუნდზე, შესაძლოა, სერიოზულად იმოქმედოს.

კაზემიროს საკმარისი გამოცდილება აქვს საიმისოდ, რომ ასეთ მატჩში ითამაშოს. მოედანზე მას, კიდევ 3 ნახევარმცველსა და ორ თავდამსხმელს გავუშვებდი.

ეს შეხვედრა რაფაელ ბენიტესის მომავალზე გავლენას ვერ იქონიებს.

რაც შეეხება მესის – ფეხბურთისთვის უკეთესია, თუ ის მოედანზე იქნება, მაგრამ “რეალისთვის” უკეთესი იქნება, თუ არგენტინელი არ ითამაშებს.

თუ “რეალისა” და “ბარსელონას” ფეხბურთელებიდან ერთ მოთამაშეს ავარჩევთ, ამჟამად, საუკეთესო ნეიმარია.”