“ბარსელონა” სოციალურ ქსელში პირველობას არ თმობს

“ბარსა” პირველი სპორტული ორგანიზაციაა, რომელმაც სოციალურ ქსელში გულშემატკივართა რეკორდულ მაჩვენებელს, 200 მილიონს გადააჭარბა.

კატალონიელებს 2015 წელს 36 მილიონი, ხოლო კვირაში 1 მილიონი გულშემატკივარი დაემატა. ეს არის პირველი შემთხვევა, როდესაც სპორტული ორგანიზაცია ასეთ ნიშნულს აღწევს, ამ მხრივ “ბარსელონა” გლობალური ლიდერია.

კლუბი ლიდერი გახდა ძირითადი ციფრული პლათფორმების მიხედვით: Facebook (114 მილიონი), Twitter (32 მილიონი) და YouTube. აღსანიშნავია, რომ 200 მილიონიდან 18 მილიონი Instagram–ს მომხმარებელია, მაშინ როდესაც აღნიშნულ სოციალურ ქსელში 2014 წელს მხოლოდ 2 მილიონი ჰყავდათ. არსებობს LINE, რომლის საშუალებითაც გულშემატკივრები ონლაინ რეჟიმში იღებენ ინფორმაციას. აღსანიშნავია ჩინური ქსელები: WeChat, Tencent და Sina (10 მილიონი).

კლუბს 40–ზე მეტი პროფილი აქვს სხვადასხვა ქსელში, 9 სხვადასხვა ენაზე (კატალანური, ესპანური, ინგლისური, ფრანგული, არაბული, პორტუგალიური, ინდონეზიური, ჩინური და იაპონური). აღსანიშნავია, რომ წარმატებას ხელი შეუწყო ჩემპიონთა ლიგის, ლა ლიგისა და კოპა დელ რეის მოგებამ.

[media=https://www.youtube.com/watch?v=nK4HrBMhOhA]