ფელიპე ლუისი: „ბარსელონას“ დასამარცხებლად გულშემატკივრების დახმარება დაგვჭირდება“

მადრიდის “ატლეტიკოს” ბრაზილიელმა მარცხენა მცველმა ფელიპე ლუისმა “ბარსელონასთან” გასამართ მატჩზე ისაუბრა და განაცახა, რომ მას გულშემატკივრების დიდი მხარდაჭერის იმედი აქვს.

“ეს რთული მატჩი იქნება ყველა ჩვენთაგანისთვის, რადგან ფეხბურთელები ახალხანს დაბრუნდნენ ეროვნული ნაკრებიდან. “ვისენტე კალდერონი” – სტადიონი, რომელიც ძალიან ემოციური მხარდაჭერით გამოირჩევა. ჩვენ ვაანალიზებთ, რომ “ბარსელონა” შეინარჩუნებს ბურთს და ეცდება თავისი საუკეთესო თამაშის ჩვენებას, თუმცა ჩვენ მტკიცედ დავიცავთ თავს და ვეცდებით კონტრშეტევებზე გადასვლას. ყველაფერს გავაკეთებთ რათა ვაჩვენოთ ჩვენი შესაძლებლობების მაქსიმუმი.” – განცახადა ფელიპე ლუისმა.

შეგახსენებთ, რომ პრიმერას რიგით მე-3 ტურის მატჩი 12 სექტემბერს გაიმართება, თბილისის დროით 22:30 საათზე.