დღეს, 24 მარტს, “ბარსელონას” მთავარი მწვრთნელი ლუის ენრიკე და ერთ-ერთი სპორტული დირექტორი არიედო ბრაიდა ერთმანეთს შეხვდებიან. კატალონიური Sport-ის ცნობით, შეხვედრის მიზანი ტრანსფერებისა და გუნდის ფორმირების საკითხის განხილვა იქნება.
ასევე ვრცელდება ინფორმაცია, რომ ენრიკე და ბრაიდა დანი ალვესის შესახებაც ისაუბრებენ. მათ მიაჩნიათ, რომ ბრაზილიელთან მოქმედი კონტრაქტი, რომელსაც ვადა მიმდინარე სეზონის ბოლოს ეწურება, უნდა გახანგრძლივდეს. გუნდის მთავარ მწვრთნელს სურს, რომ ალვესი “ბარსაში” კიდევ 2 წლით დარჩეს.
დღევანდელ შეხვედრაზე ჩავი ერნანდესისა და პედრო როდრიგესის მომავლის საკითხსაც განიხილავენ.
