“სტოკ სიტის” მთავარი მწვრთნელი მარკ ჰიუზი დაინტერესებულია “ბარსელონა ბ”-ს ორი ფეხბურთელის, სანდრო რამირესისა და ადამა ტრაორეს მომსახურებით. ამ ინფორმაციას El Mundo Deportivo ავრცელებს.
“ჩვენთვის ეს ორი ვარიანტია,” – აცხადებს ჰიუზი.
თუმცა, სანდრომ განაცხადა, რომ “ბარსელონასთან” მოქმედი კონტრაქტი აქვს და მიმდინარე სეზონში კლუბის შეცვლას არ გეგმავს.
რამირესმა ესპანეთის ჩემპიონატის მიმდინარე სეზონში 7 მატჩში მიიღო მონაწილეობა და 2 გოლი გაიტანა. რაც შეეხება ადამას, მას “ბარსელონას” პირველ გუნდში სულ 9 შეხვედრა აქვს ჩატარებული.
