ესპანეთის თასის 1/16-ფინალში “ბარსელონას” მეტოქე “უესკა” იქნება. ეს რამდენიმე წუთის წინ დასრულებული წილისყრის დროს გახდა ცნობილი.
1/16 ფინალის პირველი მატჩები 2-3-4 დეკემბერს გაიმართება, ხოლო განმეორებითი – 16-17-18 დეკემბერს. “ბარსელონა” პირველ შეხვედრას სტუმრად ჩაატარებს, ხოლო განმეორებითს – საკუთარ კედლებში.
“ბარსელონასა” და “უესკას” წყვილის გამარჯვბული “ვალიადოლიდი”-“ელჩეს” შორის უფრო ძლიერ დაუპირისპირდება. 1/8-ფინალები იანვრის პირველ ორ კვირაში გაიმართება.
თუ “ბარსელონამ” და “რეალმა” ამ ეტაპამდე მიაღწიეს, მათი გზები 1/4-ფინალში გადაიკვეთება. თამაშები იანვრის ბოლო 2 კვირაში ჩატარდება.
