ეიდურ გუდიონსენი პრემიერ ლიგაში დაბურუნებას იმედოვნებს

“ჩელსის” ექს ფეხბურთელი და ამჟამად კატალონიის “ბარსელონას” თავდამსხმელი იმედოვნებს, რომ კლუბს მალე დატოვებს და ისევ პრემიერ ლიგაში გადაბარგდება. ისლანდიელმა ფეხბურთელმა Sunday Mirror-თან საუბარში გამოთქვა სურვილი ინგლისის მთავარ ლიგაში დაბრუნების. გუდინსენის თქმით მის მიმართ ბევრი კლუბი იჩენს ინტერესს და ეპატიჟება სათამაშოდ.

“”ბარსელონათან” ერთად მიღწეული ასეთი ტრიუფის შემდეგ მგონი კარგი იქნებოდა ისევ პრეიმერ ლიგაში გადავსულიყავი.”

“ჩემს მიმართ ბევრი კლუბი იჩენს ინტერესს. მე ინგლისში საკმაოდ კარგი სეზონები ჩავატარე. მე მჯერა, რომ ინგლისი იქნება ის ადგილი სადაც მე ჩემს თამაშს ვიპოვი.”

გუდიონსენმა 8 წელი გაატარა ინგლისის მთავარ ლიგაში, ჯერ “ბოლტონის” შემადგენლობაში, შემდეგ – “ჩელსის”, სანამ კატალონიაში გადავიდოდა. იგი ფიქრობს, რომ მისი უკან დაბრუნება ადვილი იქნება.

“რა თქმა უნდა ადვილი იქნება ჩემი უკან დაბრუნაბა. მე ზაფხულის ბოლოს გადავხედავ ყველა შემოთავაზებას და რომელიც ჩემთვის უფრო უკეთესი იქნება იმას დავთანხმდები.”

ისლანდიელი ფორვარდი აპირებს მომავალ კვირას “ბარსელონას” ხელმძღვანელობასთან დალარაკებას. მას აღარ სურს მომავალ სეზონში ისევ ბლაუგრანას შემადგენლობაში ყოფნა.

“ძნელი იქნება ამ კლუბის დატოვება. ჩემი პატარა შვილები “ბარსელონას” აკადემიაში სწავლობენ, მაგრამ არავინ იცის ბოლომდე ჯერ რა მოხდება.

“მე მხოლოდ და მხოლოდ ფეხბურთით ვარ შეპყრობილი და არაფერი ფეხბურთის გარდა.”

“მე კიდევ მაქვს ამბიციები და კიდევ შემიძლია მაღალ დონეზე თამაში. მომავალ კვირას გადაწყდება ჩემი კლუბში დარჩენა არ დარჩენის საკითხი.”

წყარო www.goal.com