“რომა” – “მილანი”-ს მატჩზე თამაშის დაწყებამდე პატივი მიაგეს “ბარსელონას” ყოფილ მწვრთნელს – ტიტო ვილანოვას, რომელიც დღეს ხანგრძლივი ავადმყოფობის შედეგად გარდაიცვალა.
“სერია ა”-ს 35-ე ტურის დაწყებამდე, “სტადიო ოლიმპიკოს” დიდ მონიტორზე გამოჩნდა ვილანოვას სურათი წარწერით: “ნახვამდის ტიტო”
გადაწყდა, რომ ესპანეთის პრიმერა დივიზიონის შემდეგი ტურის ყველა მატჩი დაიწყება 1 წუთიანი დუმილით ტიტო ვილანოვას პატივსაცემად.
ასევე მწუხარება გამოთქვა უამრავმა ფეხბურთელმა და მწვრთნელმა.
“ეს ტრაგედიაა. ჩვენ დავკარგეთ 45 წლის ადამიანი, მას ხომ ნახევარი ცხოვრება კიდევ წინ ჰქონდა” – ვისენტე დელ ბოსკე (ესპანეთის ნაკრები)
“არასოდეს დამავიწყდება ვილანოვა. მუდამ მის გვერდით ვიქნები. გულითადად ვუსამძიმრებ მის ოჯახს” – ლიონელ მესი
“მწუხარებას გამოვთქვამ ვილანოვას გარდაცვალებაზე. ის იყო შესანიშნავი პიროვნება და მისაბაძი ადამიანი. მებრძოლი, როგორც ცხოვრებაში, ისე საფეხბურთო მოედანზე. ჩვენ ნამდვილად დაგვაკლდება ის” – ანტონიო კონტე (“იუვენტუსი”)
“სიტყვები არ მყოფნის. თქვენ იყავით ნამდვილი მაგალითი ჩვენთვის. არასოდეს დამავიწყდებით. მშვიდობით მწვრთნელო…” – ანდრეს ინიესტა
“ორივეს ძალზედ მძიმე დაბრკოლება შეგვხვდა და ყოველთვის მემახსოვრება ჩემი მეგობარი. მადლობა ბრძოლისათვის. ვიზიარებ მისი ოჯახის მწუხარებას” – ერიკ აბიდალი
“ძალიან ვწუხვარ ვილანოვას გარდაცვალებით. ის იყო შესანიშნავი ადამიანი და ფანტასტიკური მწვრთნელი, რომელიც ყოველთვის მემახსოვრება მისი მოღვაწეობით ბარსელონაში. მწუხარებას გამოვთქვამ და ვუსამძიმრებ მის ოჯახს და კლუბს” – მიშელ პლატინი
“ბარსელონამ დაკარგა უდიდესი ადამიანი. ის იყო სულ რაღაც 45 წლის. ხსოვნა იყოს შენი ტიტო…” – ჟოზე მოურინიო (“ჩელსი”)
“მსურს ჩემი მწუხარება გამოვთქვა ტიტო ვილანოვას გარდაცვალებასთან დაკავშირებით. რეალის სახელით მსურს მივუსამძიმრო მის ცოლს, შვილებს და ყოფილ კლუბ – ბარსელონას. დღევანდელმა ტრაგედიამ ყველა დაამწუხრა” – ფლორენტინო პერესი (“რეალი”)
“ძალზედ მძიმე დღე. ვუსამძიმრებ ტიტოს ოჯახს” – დავიდ დე ხეა (“მანჩესტერ იუნაიტედი”)
“ვუსამძიმრებ ტიტოს ოჯახს. განისვენე ნათელში ტიტო” – სერხიო აგუერო (“მანჩესტერ სიტი”)
“მწუხარებას გამოვთქვამ ტიტოს გარდაცვალებაზე. ვუსამძიმრებ მის ოჯახს” – ლუიშ ფიგუ
ბოლო პერიოდში ტიტო ვილანოვა ხალხში იშვიათად გამოდიოდა. ეს სურათი გადაღებულია ახალ წლებზე, “ბარსელონა” – “ხეტაფეს” მატჩის დროს, როდესაც კამპ ნოუზე მატჩს თვალს ადევნებდა ტიტო. თვითონ შეაფასეთ, როგორ მდგომარეობაში იყო იგი.
