ესპანეთის ეროვნული ნაკრებისა და კატალონიის “ბარსელონას” შემტევმა ნახევარმცველმა ანდრეს ინიესტამ მხარდაჭერა გამოხატა “ლურჯ-ბროწეულისფერთა” მთავარი მწვრთნელის, არგენტინელი სპეციალისტის ხერარდო მარტინოს მიმართ. ინიესტა ცდილობს, რომ მარტინო ესპანეთის პრიმერა დივიზიონის 25-ე ტურის (“სოსიედადი” – “ბარსელონა” 3:1) შედეგად კრიტიკისაგან დაიცვას.
“ჩვენ, რა თქმა უნდა, მხარს ბოლომდე ვუჭერთ კლუბის მთავარ მწვრთნელს. გამარჯვება ან დამარცხება – ჩვენ ამას ერთად გავაკეთებთ და მთლიან პასუხისმგებლობას შედეგზე ჩვენს თავზე ავიღებთ.
და ბოლოს, მოედანზე ფეხბურთელები გავდივართ და არა მთავარი მწვრთნელი ხერარდო მარტინო.” – განაცხადა კატალონიური კლუბის 8 ნომერმა.
