“ბარსელონას” ამერიკელი ფეხბურთელი, სერჟინიო დესტი, ეროვნულ ნაკრებთან ერთად, CONCACAF-ის ერთა ლიგის გამარჯვებული გახდა.
აღნიშნული ტურნირის ფორმატი ევროპაში არსებული ერთა ლიგის მსგავსია. გუშინ, CONCACAF-ის ერთა ლიგის ისტორიაში პირველი გამარჯვებული გამოვლინდა.
ფინალურ დაპირისპირებაში, შეერთებულმა შტატებმა, დამატებით დროში, მექსიკა 3-2 დაამარცხა. დესტმა მატჩი ძირითადი შემადგენლობიდან დაიწყო, ამერიკელთა მთავარმა მწვრთნელმა, გრეგ ბერჰალტერმა, იგი მოედნიდან მე-60 წუთზე გაიყვანა.
აღსანიშნავია, რომ მექსიკის ნაკრებს “ბარსას” ყოფილი თავკაცი, ხერარდო მარტინო, წვრთნის.
დესტისთვის, ნიდერლანდების სუპერ თასისა და ესპანეთის თასის შემდეგ, ეს კარიერაში რიგით მესამე ტიტულია.
აბა მარტინოს გაწვრთნილ გუნდისთვის კი უნდა მოეგოთ რა პრობლემაა.
არ მეგონა მექსიკას თუ მოუგებდნენ
რატომღაც მგონია რომ დესტი დიდ ფეხბურთს ითამაშებს და ამისთვის ყველა მონაცემები აქვს სისწრაფე დარტყმა ტეხნიკურობა..მაქსიმუმ ერთი ორი სეზონის მერე უფრო გამოჩნდება
დესტს აქვს ის რომ უკეთესობისკენ გააგრძელოს სვლა.. ჯერჯერობით ვერ ვიტყვი რომ კმაყოფილი ვარ.. მაგრამ კონკურენცია მიცემს მოტივაციას.. ემერსონიც არ დაზოგავს თავს..