სტამბოლში “გალათასარაისთან” მოპოვებულ ბრწყინვალე გამარჯვებაში (4-1) “ბარსელონას” მთავარი გმირი ლამინ იამალი გახდა. შეხვედრის საუკეთესო ფეხბურთელმა (MVP) მეორე ტაიმის სტარტზე თამაშის ბედი ფერმინ ლოპესსა და ენტონი გორდონზე გაკეთებული ორი საგოლე გადაცემით გადაწყვიტა, რომელთაგან მეორე ეპიზოდში მის მიერ შესრულებულმა ოსტატურმა დრიბლინგმა საყოველთაო აღფრთოვანება გამოიწვია.
“თითქმის რაბონა” და დაუოკებელი ჟინი
Movistar-ის ეთერში ეპიზოდის გამეორების ნახვის შემდეგ, ლამინმა ჟურნალისტის კითხვას ღიმილით უპასუხა:
“როგორ დავარქმევდი ამ ფინტს? არ ვიცი. ალბათ ‘თითქმის რაბონას’. მთავარი ის არის, რომ გორდონისთვის საგოლე გადაცემის გასაკეთებლად ყველაფერმა კარგად იმუშავა და ეს ეფექტური გამოდგა”.
ახალგაზრდა გარემარბმა ისიც აღიარა, რომ მიუხედავად ორი ბრწყინვალე ასისტისა, საფინალო სასტვენამდე დაჟინებით ითხოვდა ბურთს, რათა გოლი თავადაც გაეტანა:
“საკუთარი გოლის ძიება? ეს ყოველთვის ასეა, მინდორზე ყოფნისას გოლის გატანა მუდმივად მწყურია”.
სტამბოლური წნეხი და გასახდელის განწყობა
ლამინმა “რამს პარკზე” არსებულ მტრულ გარემოზე და მატჩის მნიშვნელობაზეც ისაუბრა:
“ვიცოდით, რომ ძალიან რთული სტადიონი იყო – ერთ-ერთი ყველაზე მძიმე ადგილი, სადაც კი შეიძლება ვითამაშოთ. გასახდელში სწორედ ამაზე ვსაუბრობდით, მათ წნეხზე და იმაზე, თუ როგორ ხმაურობენ და ყვირიან ტრიბუნებიდან. ამ გამარჯვებით ძალიან ბედნიერები ვართ, ‘გალათასარაი’ ნამდვილად მაღალი დონის გუნდია”.
აი ეს არის პატივისცემა მეტოქისადმი შეაქო და არა ის როგორც კილიან ბამპე აქებს ხოლმე მეტოქეებს, ჩვენ გავანადგურეთო რამდენჯერ უთქვია
ის მცველი როგორ გაშეშდა ერთ მომენტში, თვითონ რო მოხვდა და რო ეგონა კუთხურზე მიდიოდა ბურთი, მაგრამ ზედ ხაზზე გააჩერა ამ ბავშვმა და გორდონმაც არ გვიღალატა.