“ელჩეს” მთავარმა მწვრთნელმა, მარტინ ანსელმიმ აღიარა, რომ “ბარსელონასთან” მარცხი (0-5) ნებისმიერ ახსნაზე მეტად მძიმეა, თუმცა მან მატჩის ზოგიერთი მომენტის გამოყოფა მაინც ისურვა. არგენტინელმა სპეციალისტმა აღნიშნა:
“ისეთ გუნდებს, როგორიც ‘ბარსელონაა’, მსგავს სიტუაციებს ვერ აჩუქებ. ჩვენი შეცდომების გამო საფასური ძვირად გადავიხადეთ.”
ხელიდან გაშვებული შანსები
მწვრთნელს განსაკუთრებით მეორე გაშვებულ გოლზე წყდება გული, რომელიც ზუსტად მაშინ გავიდა, როცა “ელჩე” გათანაბრებასთან ძალიან ახლოს იყო. მან სიტუაცია ასე განმარტა:
“ვგრძნობდი, რომ ჩვენი გოლი მწიფდებოდა.”
მასპინძლებმა სტანდარტული მდგომარეობებიდან და ორგანიზებული შეტევებიდან მომენტები შექმნეს, მაგრამ მათი რეალიზება ვერ მოახერხეს და განსაკუთრებით ჰანსი ფლიკის შეგირდების ბრწყინვალე მეორე ტაიმის შემდეგ, საბოლოოდ დანებდნენ.
ატმოსფერო და მოტივაცია
ანსელმიმ “მარტინეს ვალეროზე” გამეფებული ატმოსფეროს ხაზგასმაც ისურვა, რადგან მისთვის ეს საშინაო არენაზე პირველი მატჩი იყო. მან საკუთარი ემოციები ასე აღწერა:
“ჰიმნის დროს შექმნილმა გარემომ ჩემში დიდი ემოცია გამოიწვია.”
თუმცა მან იქვე დაამატა, რომ შედეგმა ის იმიჯი დააზიანა, რომლის ჩვენებაც გუნდს სურდა.
ამ დარტყმის მიუხედავად, ანსელმის გამართლების ძებნა არ დაუწყია და საკუთარი გამოსვლა ასე დაასრულა:
“ბარსელონასთან” დაფიქსირებული შედეგი დემოტივაციის მიზეზი არ არის. ხვალ მუშაობა უნდა განვაახლოთ, რათა მომდევნო მატჩისთვის მოვემზადოთ და სეზონის განმავლობაში ზრდა გავაგრძელოთ.”
მიდი ძმაო, ამ თამაშით შეიძლება არ გავარდეთ და მეტს არც არავინ მოგთხოვთ, ბოლო ბოლო სულ ბარსას და რეალს ხო არ შეხვდებით.