ბოლო ათწლეულის განმავლობაში პსჟ იმ კლუბად იქცა, რომელმაც შემადგენლობის გასაძლიერებლად ყველაზე მეტი ყურადღება “ბარსელონასკენ” მიმართა. 2017 წელს ნეიმარ ჟუნიორის გამოსასყიდი თანხის გადახდიდან დაწყებული, 2026 წლის 13 აგვისტოს ფერან ტორესის 50 მილიონ ევროდ ტრანსფერზე შეთანხმებით დამთავრებული, პარიზიდან ბარსელონაში შემოსულმა საერთო ინვესტიციამ 333 მილიონ ევროს გადააჭარბა – კონკრეტულად კი 333 650 000 ევრო შეადგინა.
რეკორდები და პარადოქსები
ბრაზილიელი ვარსკვლავის “პარკ დე პრენსზე” გადასვლა საფეხბურთო ბაზარზე გარდამტეხი მომენტი იყო და სატრანსფერო ბაზარზე აბსოლუტურ რეკორდად დღემდე რჩება. სიტუაცია პარადოქსული იყო. როგორც ყოველთვის, როცა “ბარსელონამ” თავისი ვარსკვლავების გაყიდვით მსოფლიო რეკორდებს ამყარებდა, ეს ზუსტად მაშინ ხდებოდა, როცა კლუბს მათი გაყიდვა არ სურდა. ასე მოხდა ისტორიის განმავლობაში რამდენჯერმე:
- 1961 წელს – ლუის სუარეს მირამონტესის მილანის “ინტერში” 25 მილიონ პესეტად გაყიდვისას.
- 1984 წელს – დიეგო მარადონას “ნაპოლიში” 1 185 მილიონ პესეტად ტრანსფერისას.
- 1997 წელს – რონალდო ნაზარიოს “ინტერში” 4 000 მილიონ პესეტად წასვლისას.
- 2000 წელს – ლუიშ ფიგუს “რეალ მადრიდში” 60 მილიონ ევროდ გაქცევისას.
- 2017 წელს – ნეიმარის პარიზში 222 მილიონი ევროს სანაცვლოდ გამგზავრებისას.
მიუხედავად იმისა, რომ “ბარსელონასა” და პარიზს შორის მანამდეც ყოფილა გარიგებები (რომელთაგან ყველაზე გახმაურებული 2003 წელს საფრანგეთიდან კატალონიაში რონალდინიო გაუჩოს 27 მილიონ ევროდ ტრანსფერი იყო), მთავარი გარდამტეხი წერტილი ნეიმარი და მისი პარიზში გადაბარგება გახდა. მას შემდეგ ეს მარშრუტი თითქმის ყოველთვის ბარსელონიდან იწყება და არა პირიქით.
“ლა მასია” და ცალმხრივი ტრანსფერები
ამ ცალმხრივმა პროცესმა კლუბის აკადემიაზეც იმოქმედა. 16 წლის ნახევარმცველი ჩავი სიმონსი, “ლა მასიას” ერთ-ერთი გამორჩეული ტალანტი, 2019 წელს პსჟ-ში გადავიდა, რომელმაც აღზრდის კომპენსაციის სახით მხოლოდ 150 000 ევრო გადაიხადა. 2021 წელს ბრაზილიელი ნახევარმცველი რაფინია ალკანტარა “ბარსელონამ” პსჟ-ში 3.5 მილიონ ევროდ გაყიდა. იმავე წელს მოხდა ყველაზე ტრავმული წასვლა: ყველა დროის საუკეთესო ფეხბურთელი, ლეო მესი, ფრანგულმა კლუბმა უფასოდ მას შემდეგ წარადგინა, რაც “ბარსელონამ” მასთან კონტრაქტის გახანგრძლივება ვეღარ შეძლო.
2023 წელს “ბარსა ატლეტიკის” მეკარე და 21-წლამდელთა ნაკრების წევრი არნაუ ტენასი პსჟ-ს (სადაც მწვრთნელად უკვე ლუის ენრიკე მუშაობდა) უფასოდ შეუერთდა, რადგან კონტრაქტი ამოწურული ჰქონდა. იმავე წელს უსმან დემბელემ “ბარსელონასთან” ბოლო გახანგრძლივებისას კონტრაქტში ჩადებული დაბალი გამოსასყიდი თანხით (50 მილიონი ევრო) ისარგებლა და პარიზში, ყოფილი კულე მწვრთნელის განკარგულებაში გადავიდა.
ფერან ტორესამდე, ბარსელონა-პარიზის მარშრუტის ბოლო მონაწილე პედრო “დრო” ფერნანდესი იყო. “ბარსელონას” 18 წლის აღზრდილი, რომელსაც ჰანსი ფლიკის ხელმძღვანელობით პირველ გუნდში უკვე ეთამაშა, ასევე ლუის ენრიკესთან წავიდა. “დროს” გამოსასყიდი თანხა 6 მილიონი ევრო იყო, მაგრამ ამჯერად პსჟ-მ 8 მილიონი გადაიხადა.
საერთო ჯამში, თანხა, რომელიც პსჟ-მ “ბარსელონას” ბიუჯეტში ამ ცხრა წლის განმავლობაში (ნეიმარიდან ფერანამდე) შეიტანა, 333 მილიონს აჭარბებს. ის აშკარად ის კლუბია, რომელმაც “ბარსელონას” ფეხბურთელებში ყველაზე მეტი ფული დახარჯა, მიუხედავად იმისა, რომ ეს თანხა ყოველთვის ცოტად გვეჩვენება.
არა მარტო გვეჩვენება, არის კიდეც. ყოველთვის ისეთ მომენტს არჩევენ სხვა გზა რო არ გვაქვს ხოლმე, თორემ მესის ვინ გაატანდა მუქთად.