მადრიდის “ატლეტიკო” ხულიან ალვარესთან დაკავშირებით პოზიციას არ თმობს, მიუხედავად “ბარსელონას” 100 მილიონი ევროს ოდენობის შეთავაზებისა. ესპანური Sport-ის თანახმად, თავდამსხმელი ახლა საკუთარ მომავალ ნაბიჯებს გეგმავს, რათა კატალონიურ კლუბში გადასვლა დააჩქაროს.
კატალონიური გამოცემის ცნობით, ფეხბურთელის გეგმა ახლა იმაში მდგომარეობს, რომ ივლისის ბოლოს ან აგვისტოს დასაწყისში მორიგ საჯარო ჟესტს მიმართოს – მაგალითად, გაავრცელოს მკაფიო განცხადება და “ატლეტიკოს” ხელმძღვანელობასთან პირდაპირი მოლაპარაკებების დაწყება კიდევ ერთხელ მოითხოვოს.
დარღვეული პირობა და მოტყუებული ფეხბურთელი
როგორც ირკვევა, ალვარესი ამჟამინდელი კლუბისგან თავს მოტყუებულად გრძნობს. ხელმძღვანელობამ მას პირობა მისცა, რომ შესაბამისი შეთავაზების მიღების შემთხვევაში მოლაპარაკებებს დაიწყებდნენ. თუმცა, როდესაც საქმეში “ბარსელონა” ჩაერთო, ეს ასე არ მოხდა.
“ბარსელონამ” “ატლეტიკოს” ოფიციალური შეთავაზება უკვე გაუკეთა, მაგრამ დედაქალაქური კლუბის ხელმძღვანელებმა 100-მილიონიანი წინადადება უბრალოდ დააიგნორეს. იმის ფონზე, რომ მადრიდელები პოზიციას არ თმობენ, ხოლო ფორვარდის კონტრაქტში (რომელიც 2031 წლამდეა გათვლილი) გამოსასყიდ თანხად ასტრონომიული 500 მილიონი ევრო წერია, ალვარესს მიაჩნია, რომ ინიციატივა საკუთარ თავზე უნდა აიღოს.
ტრანსფერის სურვილი და სხვა კლუბების გამორიცხვა
ხულიან ალვარესს “ბარსელონაში” გადმოსვლა მტკიცედ აქვს გადაწყვეტილი. მსოფლიო ჩემპიონატის მიმდინარეობისას ფორვარდმა გუნდის დატოვების სურვილი უკვე მკაფიოდ დააფიქსირა:
“მე ვისაუბრე კლუბის იმ წარმომადგენლებთან, ვისთანაც საუბარი მჭირდებოდა. ვფიქრობ, რომ ტრანსფერი საუკეთესო გამოსავალია ყველასთვის და მინდა, რომ ჩემი ოცნება ავიხდინო.”
არგენტინელისთვის სხვა დაინტერესებულ კლუბებში, მაგალითად “არსენალში” გადასვლა, განსახილველი ვარიანტი არ არის. ლონდონურ კლუბთან პოტენციური გარიგება, რომელშიც გავრცელებული ინფორმაციით ვიქტორ გიოკერესი უნდა ყოფილიყო ჩართული, ჩაიშალა, რადგან “არსენალმა” პრიორიტეტი “რეალ მადრიდის” შემტევზე, ვინისიუს ჟუნიორზე გადაიტანა.
რაც შეეხება “ბარსელონას”, კლუბის სპორტული მენეჯმენტიც და სამწვრთნელო შტაბიც ალვარესს იდეალურ შენაძენად მიიჩნევს. თუმცა, კატალონიელები ახალ წინადადებებს მხოლოდ მას შემდეგ გააკეთებენ, რაც ფეხბურთელი საკუთარი ქმედებებით ჩიხში შესულ მოლაპარაკებებს ადგილიდან დაძრავს. შეგახსენებთ, რომ “ატლეტიკო” დიეგო სიმეონეს ხელმძღვანელობით ვარჯიშს 10 აგვისტოს განაახლებს.
რაღა აზრი აქვს ამის დატოვებას გუნდში. ჭკუათხელი ატლეტიკოს პრეზიდენტი. სხვა გუნდშიც რომ გაუშვას ხო აბსურდია. ანუ რას იტყვის აი ბარსელონაში არ გავუშვი და პსჟ ში გავუშვი რა მაგარი ვარო? რა ხეირი. ვაბშე უარი უნდა თქვას თამაშზეც და ვარჯიშზეც და აიძულოს კლუბს გაყიდოს.
ისეთი პირი უჩანს ალვარესი გადმოვა. ისე დაეძაბა ატლეტიკოსთან ურთიერთობა არამგონია მანდ დარჩეს. დაჟე დაიწერა ვარჯიშზეც უარს იტყვის და საერთოდ არ გამოცხადდებაო.
ოსიმენის მოყვანას რატომ არ განიხილავენ?