ოთხშაბათის ორჯერადი ვარჯიში დასრულდა

“ბარსელონას” 2026/27 წლების სეზონისთვის მზადება გრძელდება. ორშაბათს ჩატარებული სამედიცინო შემოწმებისა და სამშაბათის პირველი ვარჯიშის შემდეგ, “ბლაუგრანამ” ახალი სეზონის საწვრთნელი სესია დღეს, ადგილობრივი დროით 09:30 საათზე ჩაატარა. ეს ვარჯიში სეზონის პირველი ორჯერადი სესიის ნაწილი იყო, მოგვიანებით კი ფეხბურთელები ჟოან გამპერის სახელობის “სიუტატ ესპორტივას” მოედანზე კვლავ დაბრუნდნენ.

დილის საწვრთნელი სესია “სიუტატ ესპორტივას” მე-2 მოედანზე გაიმართა. შუადღეს კი გუნდმა ტიტო ვილანოვას სახელობის მოედანზე ივარჯიშა. ორივე სესიაზე ჰანსი ფლიკმა პირველი გუნდის 9 ფეხბურთელთან (ტერ შტეგენი, შჩესნი, ბალდე, კრისტენსენი, კასადო, ჟერარ მარტინი, მარკ ბერნალი, ექტორ ფორტი და რუნი ბარდჯი) და “ბარსელონა ატლეტიკისა” და 19-წლამდელთა გუნდის 16 მოთამაშესთან ერთად იმუშავა. აღსანიშნავია, რომ სამშაბათსაც ზუსტად ამ ჯგუფმა ივარჯიშა.

ხუთშაბათს გუნდი კვლავ ივარჯიშებს, თუმცა ამჯერად მხოლოდ ერთი სესია გაიმართება, რომელიც ადგილობრივი დროით 09:30 საათზეა (ჩვენი დროით 11:30) დაგეგმილი.