“ბარსელონას” 22 წლის ცენტრალური მცველი მარკ ბარტრა აცხადებს, რომ მისი მიზანი კატალონიურ კლუბში კიდევ მრავალი წლის განმავლობაში დარჩენაა.
“ბარსელონადან” წასვლის აზრი თავში არასდროს მომსვლია. კლუბში უკვე დიდი ხანია ვიმყოფები და “ბარსამ” ყველაფერი მომცა. იმედი მაქვს, ამ გუნდში კიდევ მრავალი წლის განმავლობაში ვითამაშებ. კარგად ვაცნობიერებ, თუ სად ვიმყოფები. რა თქმა უნდა, მირჩევნია უფრო მეტი სათამაშო დრო მქონდეს და ძირითად შემადგენლობაში ყოველთვის ვითამაშო. ვაპირებ ხერარდო მარტინოს საქმე გავურთულო და მას სასტარტო შემადგენლობის შერჩევის დროს პრობლემები შევუქმნა.” – აცხადებს მარკ ბარტრა, რომელსაც “ბარსელონასთან” კონტრაქტი მიმდინარე სეზონის ბოლოს უმთავრდება.
