კარლეს პუიოლი: მენტალურად, ახლაც შემიძლია, “ბარსას” კაპიტანი ვიყო, მაგრამ არა – ფიზიკურად

მენტალურად, ახლაც შემიძლია, “ბარსას” კაპიტანი ვიყო, მაგრამ არა – ფიზიკურად.

ვფიქრობ, “ბარსელონას” ლა ლიგაში საუკეთესო შემადგენლობა ჰყავს – კატალონიელთა ფეხბურთელები “რეალის” მოთამაშეებზე უკეთესები არიან.

“ბლაუგრანას” შესანიშნავი დაცვა ჰყავს. გუნდში ბევრი ახალგაზრდა და გამოცდილი ფეხბურთელია.

ლევანდოვსკი “ოქროს ბურთს” იმსახურებს. 

ლიონელ მესის დაბრუნება გვიანი არაა – 1 წელიწადში ყველაფერი შესაძლებელია. ეს ჩავისა და ლეოზეა დამოკიდებული. 

“ბარსელონა” და “რეალი” ლა ლიგისთვის ბოლომდე იბრძოლებენ. მახსოვს ჩემპიონატები, რომლებიც 90-მა ქულამ გადაწყვიტა – წელსაც იგივეს ველი.

პიკე ტოპ ფეხბურთელია. თუ ჟერარი 100%-ით მზად იქნება, ეჭვგარეშეა, რომ გუნდისთვის ბევრს გააკეთებს. 

პიკესა და ალბას მთელი სეზონის განმავლობაში ფორმაში ყოფნა მოუწევთ. მჯერა, რომ მათ სარგებლის მოტანა ჯერ კიდევ შეუძლიათ, მაგრამ, ნებისმერ შემთხვევაში, ისინი ყველაფრისთვის მზად უნდა იყვნენ. კარიერის ბოლოს სეზონში, მინდოდა, მეტი მეთამაშა, მაგრამ ვაცნობიერებდი, რომ მარკ ბარტრა დრო უნდა მიეღო.

ფეხბურთს ახლაც ვუყურებ და ვსწავლობ, რადგან, მინდა, ერთ დღეს საფეხბურთო სამყაროში დავბრუნდე, მაგრამ არა მწვრთნელად – ეს ძალიან სტრესული სამუშაოა და თან, ლიცენზიაც არ მაქვს.

საკუთარი იდეები უნდა გქონდეს, მაგრამ არაფერი უნდა გამორიცხო. კონტრშეტევებით გატანილი გოლები მნიშვნელოვანია. როგორც ნახეთ, “მანჩესტერ სიტიში” პეპმა ერლინგ ჰოლანდი მიიყვანა.

“რეალს” ჩემპიონთა ლიგა გენში აქვს, რაც ამ ტურნირზე მას მუდამ ერთ-ერთი ფავორიტად ხდის. “ბარსელონა” კი ამ შემადგენლობით ასევე ფავორიტი იქნება. 

კლუბის ხელმძღვანელობამ დიდებულად იმუშავა და შესანიშნავი ტრანსფერები განახორციელა. ახლა ჩავიმ და ფეხბურთელებმა უნდა გვაჩვენონ, ყველა ტიტულის მოსაგებად ბრძოლისთვის რა არის საჭირო.

ვიმედოვნებ, გუნდი ერთიანი იქნება – ჩავიმ, ფეხბურთელებმა და ქომაგებმა ერთი მიმართულებით უნდა იმოძრაონ. ასევე, იმედი მაქვს, რთულ მომენტებში თქვენ (მედია) ისეთ მოსაზრებებს არ გამოთქვამთ, რაც შიდა დებატებს გამოიწვევს. ჩვენ ყველას მოსმენა და ერთად მუშაობა გვჭირდება.