“ბარსელონასთან” წაგების (1:4) შემდეგ, “ბეტისის” მთავარი მწვრთნელი პეპე მელი თავისი შეგირდებით კმაყოფილი დარჩა. 50 წლის მადრიდელი სპეციალისტის განცხადებით, სევილიელები მსოფლიოს საუკეთესო გუნდთან დამარცხდნენ.
“ჩემი ფეხბურთელებით ვამაყობ, რადგან ისინი მსოფლიოს საუკეთესო გუნდს არ შეუშინდნენ. მთლიანობაში, სამ მომენტს გამოვყოფდი: აქედან ორი, ჩვენთვის, დადებითა, ხოლო ერთი – უარყოფითი. ნებისმიერ შემთხვევაში, ჩემი გუნდი გაბედულად მოქმედებდა. თუ ჩვენს გუნდს მეტოქის კარის ასაღებად ბევრი მომენტის შექმნა სჭირდება, “ბარსელონას” ამისთვის ერთიც ჰყოფნის.” – აცხადებს პეპე მელი თამაშის შემდეგ.