“ბარსელონას” მთავარი მწვრთნელი ხერარდო მარტინო, მისი გუნდის ლიდერის, ლიონელ მესის მიერ მორიგი ტრავმის მიღების შემდეგ, ხაზს ფეხბურთელთან გასაუბრების საჭიროებას უსვამს.
“მესის ეს ტრავმა წინას არ უკავშირდება, რადგან დაზიანება მე-2 ფეხზეა. ვნახოთ, რამდენად სერიოზული იქნება ეს ტრავმა.
რა თქმა უნდა, მესისთან უნდა ვისაუბროთ და გავარკვიოთ, ფსიქოლოგიურად რამდენად იმოქმედებს ეს ტრავმა მასზე და რამდენად მშვიდადაა ის.” – აცხადებს ხერარდო მარტინო.
შეგახსენებთ, რომ მესიმ დაზიანება “ბეტისთან” გამართული შეხვედრის პირველ ტაიმში მიიღო. ეს, მისთვის, მიმდინარე სეზონში, უკვე მე-3 ტრავმაა.
