დღეს დილით, ხერარდო მარტინომ ცუდი ამბავი გაიგო. მამამისი, რომელიც გულის შეტევით საავადმყოფოში იყო მოთავსებული, 85 წლის ასაკში გარდაიცვალა.
“ბარსელონას” მთავარმა მწვრთნელმა შესაშური პროფესიონალიზმი გამოიჩინა. ის “აიაქსთან” მატჩის წინ გამართულ პრესკონფერენციას დაესწრო და მამის გარდაცვალების შესახებ არაფერი უთქვამს. ჟურნალისტებს ეს ინფორმაცია სანდრო როსელმა მიაწოდა.
ცნობილია, რომ ოჯახური უბედურების მიუხედავად, ხერარდო მარტინო გუნდს “აიაქსთან” გაუძღვება და არგენტინაში ამ შეხვედრის დასრულების შემდეგ გაემგზავრება.
