ჟოაუ კანსელუ ისტორიაში შევიდა

ცოტა ხნის წინ გამართულ “ელ კლასიკოში” მოგებისა და ესპანეთის ჩემპიონის ტიტულის მოპოვების შემდეგ ჟოაუ კანსელუ უნიკალური ფეხბურთელი გახდა.

“ბარსელონას” პორტუგალიელ უნივერსალს ევროპის ტოპ 5 ჩემპიონატიდან 4 აქვს მოგებული და ის ისტორიაში ერთადერთი ფეხბურთელია, რომელსაც ამ მიღწევით შეუძლია, დაიკვეხნოს.

31 წლის ფეხბურთელმა 2018/19 წლების სეზონში “იუვენტუსთან” ერთად იტალიის ჩემპიონობა იზეიმა; 2021-2023 წლებში მან “მანჩესტერ სიტისთან” ერთად ინგლისის პრემიერ ლიგა ზედიზედ 3-ჯერ მოიგო; 2022/23 წლების სეზონში პორტუგალიელმა გერმანიის ჩემპიონობაც იზეიმა, რა თქმა უნდა, “ბაიერნთან” ერთად; ახლა კი “ბარსელონასთან” ერთად ლა ლიგაში ტრიუმფის ჯერიც დადგა.

აღსანიშნავია, რომ კანსელუს ასევე მოგებული აქვს პორტუგალიის ჩემპიონატი – 2014 წელს “ბენფიკასთან” ერთად.