კატალონიის “ბარსელონასათვის” გუშინ მოგებული ესპანეთის სუპერთასი კლუბის ისტორიაში, მე-11 გახლავთ. გუნდის 33 წლის ლეგენდარული ნახევარმცველისათვის, ჩავიერ ერნანდესისთვის კი, 25-ე ტიტული კარიერაში ყველა ტურნირის გათვალისწინებით.
ამ მაჩვენებლით ჩავიმ უკან ჩამოიტოვა, მადრიდის “რეალის” ლეგენდარული ნახევარმცველი, ფრანსისკო ხენტო (24 ტიტული). ჩავის აქტივში ესპანეთის ჩემპიონატში – 6 გამარჯვება, ჩემპიონთა ლიგის – 3 ტიტული, ესპანეთის თასის – 2 ტიტული, ევროპის სუპერთასის – 2 ტიტული, ორი გამარჯვება მსოფლიოს საკლუბო ჩემპიონატზე, მსოფლიოს ჩემპიონობა და ევროპის ორგზის ჩემპიონობაა.
