მეოთხედფინალური ეტაპის პირველ დაპირისპირებაში, პსჟ-ს წინააღმდეგ კატალონიელებმა ფრედ 2-2 დაასრულეს. აშკარად შეიძლებოდა უკეთესი შედეგი. აღსანიშნავია ის საშინელი ფაქტიც, რომ ლიონელ მესიმ ტრავმა მიიღო.
შემოგთავაზებთ 2 აპრილის, მატჩის შეფასებებს:
ვიქტორ ვალდესი – 7
მატჩის მიწურულს აშკარად შეეძლო უკეთესად თამაში, მაგრამ მაქამდე ძალიან ბევრი და მნიშვნელოვანი სეივები გააკეთა.
ხორდი ალბა – 7
ნორმალურად ითამაშა მოედნის ორივე ნახევარზე, მაგრამ ”ბარსელონას” ფლანგის მცველისთვის ”ნორმალური” თამაში შეტევაში არ არის საკმარისი.
ხერარ პიკე – 6
ძალიან ბევრჯერ წამოეგო მეტოქის ფინტებს და საბოლოოდაც, კარგად ვერ ითამაშა. რაც შეეხება მის პოზიციურ თამაშს, აქაც აღსანიშნავია პიკეს არაერთი ჩავარდნა.
ხავიერ მასკერანო – 7
ბევრი მნიშვნელოვანი მომენტი განმუხტა და პიკეზე ბევრად კარგად ითამაშა. მისი ბრძოლისუნარიოანობის ”წყალობით” ტრავმა მიიღო და 6 კვირა ვერ მიიღებს მონაწილეობას ვერცერთ მატჩსა, თუ ვარჯიშში.
დანიელ ალვესი – 8
მისგან უკვე მივეჩვიეთ, ასეთ აქტიურობას თითოუელ მატჩში. აუცილებლად არის აღსანიშნავი მისი ზღაპრული გადაცემა მესიზე, რომელიც არგენტინელმა შედეგიანად დაასრულა.
სერხიო ბუსკეტსი – 7
ჯამში მაინც ნორმალური მატჩი ჩაატარა, მაგრამ სერხიოსგან ყოველთვის მეტს ითხოვენ. პოზიციურად არც ისე კარგად ითამაშა და თამაშის მიმდინარეობისას არ ცვლიდა შეტევის მხარეებს. ზუსტად ეს ევალება კატალონიელთა საყრდენ ნახევარმცველს.
ჩავი ერნანდესი – 7.5
იშვიათად ამწვავებდა შეტევებს, რაც მეტყველებს მის არაჩვეულებრივ პასების სიზუსტის პროცენტზეც. თამაშის მსვლელობისას, უმნიშვნელოვანეს მომენტში შეძლო თერთმეტმეტრიანის გამოყენება.
ანდრეს ინიესტა – 8
მთელი თამაში სტაბილურად ჩაატარა. ხშირად ურტყავდა კარებში და შეტევებს ამწვავებდა, მაგრამ მისი პასების სიზუსტე არ იყო დამაკმაყოფილებელი.
ალექსის სანჩესი – 6.5
მას ამ სეზონში ჩვევია მომენტების გამოუყენებლობა და ეს ამ თამაშშიც გამოჩნდა. ჯამში მაინც ბევრი იმუშავა და მატჩის მიწურულს პენალტიც კი მოიპოვა.
დავიდ ვილია – 6
უცნაური შეხვედრა ჩაატარა. ერთადერთი რასაც იგი მოედანზე აკეთებდა ეს იყო თამაშის გადაბმა. არ ქონია არცერთი საგოლე მომენტი. დასრულებამდე ცოტა ხნით ადრე იგი ტელიომ გამოცვალა.
ლიონელ მესი – 8
მოედანზე მხოლოდ ერთი ტაიმი დაჰყო, მაგრამ ამ მცირე დროშიც მოახერხა იმის დამტკიცება, რომ იგი საუკეთესოა. ერთი გოლი, შორიდან გასროლილი რამდენიმე დარტყმა და თამაშის გამწვავება. პსჟ-ს წინააღმდეგ მატჩში ეს არის რითიც იგი დაამახსოვრდა გულშემატკივარს.
ცვლილებები:
სესკ ფაბრეგასი – 6.5
მისი გაკეთებული სამუშაო ვერ შეედრება იმას, რასაც არგენტინელი აკეთებს, მაგრამ სესკის თამაშიც დასაფასებელია. რამდენიმე ძალიან კარგი პასი გააკეთა და დრიბლინგის უნარიც დაგვანახა.
კრისტიან ტელიო – N/A
მისი ცოტა სათამაშო დრო არაფერზე არ მეტყველებს.
მარკ ბარტრა – N/A
იგივეა რაც ტელიოს შემთხვევაში, მაგრამ მატჩის ბოლოს მატუიდის დარტყმული სწორედ მას მოხვდა. ამ რიკოშეტის გამო ვალდესმა ვეღარ შეძლო ბურთის მოგერიება.
