კატალონიის “ბარსელონას” თავდამსხმელი, არგენტინელი ლიონელ ანდრეს მესი ესპანეთის პრიმერად დივიზიონის ბომბარდირთა სიაში გალიდერდა, ეს კი იმ ჰეთ-ტრიკის დამსახურებაა, რომელიც არგენტინელმა მე-8 ტურში “დეპორტივოსთან” შეასრულა (5:4).
ახლა მესის აქტივში 11 გოლია ესპანეთის 2012/2013 წლის სეზონში. მესიმ გატანილი 11 გოლიდან მხოლოდ ერთი პენალტი გაიტანა, უახლოესმა მდევარმა, მადრიდის “რეალის” პორტუგალიელმა კრიშტიანუ რონალდუმ 9 გოლს მოუყარა თავი (აქედან 4 პენალტით), მესამე ადგილს კი კოლუმბიელი ფეხბურთელი, მადრიდის “ატლეტიკოს” ფორვარდი რადამელ ფალკაო იკავებს 8 გოლით (აქედან 4 პენალტი).

