– სუპერ-თასის წინა გათამაშებაში ლიონელ მესიმ 3 ბურთი გაიტანა და თავისი მონაგარი 8-მდე გაზარდა. ამ მაჩვენებლით იგი რეკორდსმენია ხსენებულ ტურნირზე გატანილი გოლებით.
– ლიონელ მესიმ 17 მატჩში “რეალს” 13 გოლი გაუტანა და მხოლოდ ერთი ბურთი აშორებს სესარ როდრიგესამდე, რომელსაც ყველაზე მეტჯერ დაულაშქრავს მადრიდელთა კარი “ბარსას” მხრიდან.
– თუ ფაბრეგასი ითამაშებს, ეს მისი 50-ე მატჩი იქნება “ლუჯრ-ბროწეულისფერთა” შემადგენლობაში. აქვე გეტყვით, რომ სესკის დებიუტი სწორედ ამ ტურნირზე და სწორედ მადრიდის “რეალთან” მოხდა ერთი წლის წინ.
– “ბარსელონას” სუპერ-თასი ყველაზე მეტჯერ მოუგია (10 თასი). მეორე ადგილზე მადრიდის “რეალია” (8).
– თუ “ბარსა” მოიგებს ჯილდოს, ეს იქნება ზედიზედ მეოთხედ მოგებული სუპერ-თასი, რაც აბსოლუტური რეკორდია.
– “კამპ ნოუზე” 4-ჯერ დაუპირისპირდნენ ეს გუნდები ერთმანეთს სუპერ-თასის ეგიდით გამართულ მატჩებში. სტუმრების ანგარიშზე 6 გოლია, მასპინძლებისაზე – 8.
– “ბარსა” თასის მოგებით შეამცირებს სხვაობას “რეალთან”. მადრიდელები კატალონიელებს ურთიერთდაპირისპირებაში 4:1 უგებენ. (ნაგულისხმევია სუპერ-თასების აღმართვა)
– მოედანზე 13 ევროპის ჩემპიონი იქნება: 8 “ბარსადან”, 5 “რეალიდან”.
– ეს იქნება ტიტო ვილანოვას სადებიუტო “კლასიკო” კატალონიელთა მთავარი მწვრთნელის რანგში.
– ჩავი 33-მდე გაზრდის ჩატარებული “კლასიკოების” რიცხვს. კარლეს პუიოლი კი 31-მდე და სტატისტიკაში მეორე ადგილს დაიკავებს სეგარაზე გასწრებით.
– “ბარსელონას” მოგებით შეუძლია ურთიერთშეხვედრების სტატისტიკა გააუმჯობესოს. ამჟამად “რეალს” 87 მატჩი აქვს მოგებული კატალონიელებისთვის, “ბარსას” კი – 86.

