”ბარსელონა” უკვე საფრანგეთის დედაქალაქში იმყოფება, სადაც დღეს ”პსჟ”-სთან გამართავს შეხვედრას. პრე-სეზონის მესამე შეხვედრაში გუნდს ერიკ აბიდალი გაამხნევებს. ტიტო ვილანოვას განკარგულებაში 22 ფეხბურთელია, აქედან 17 პირველი გუნდის წევრია, ხოლო 5 ფილიალის. გუნდს ტრავმის გამო ვერ დაეხმარება ადრიანო, ასევე სამწვრთნელო შტაბის გადაწყვეტილებით 8 აგვისტომდე ისვენებს ჟორდი ალბა.
”ბარსელონას” ექსპედიცია დღეს საფრანგეთში გაემგზავრა, რომლის მთავარი მოქმედი პირი ერიკ აბიდალი იყო. ფრანგი მცველი თანაგუნდელებს პრე-სეზონის მესამე შეხვედრაში, ”პსჟ”-სთან გაამხენევებს, რომელიც თბილისის დროით 21:45 საათზე დაიწყება.
გუნდს თან გაჰყვა კლუბის პრეზიდენტი, სანდრო როსელი და ვიცე-პრეზიდენტი, ხავიერ ფაუსი. დელეგაციაში არაინ დირექტორები, ჟორდი მოიქსი, პილარ გიუნოვარტი, ჟორდი მესტრე და მანელ აროიო. ასევე გუნდთან ერთად იმყოფება სპორტული დირექტორი, ანდონი სუბისარეტა.
