“ბარსელონას” ოფიციალური საიტის მიერ გავრცელებული ინფორმაციის თანახმად, მალელმა ნახევარმცველმა, სეიდუ კეიტამ კატალონიელებთან კონტრაქტის გახანგრძლივებაზე უარი განაცხადა და გუნდი დატოვა.
სეიდუ კეიტა “ბარსელონაში” 2008 წლიდან თამაშობდა. ამ ხნის განმავლობაში, მან 188 თამაში ჩაატარა და გუნდს 22 გოლით დაეხმარა. კეიტამ სულ 14 ტიტული მოიგო: ესპანეთის ჩემპიონატი 3-ჯერ, ჩემპიონთა ლიგა 2-ჯერ, ესპანეთის თასი 2-ჯერ, საკლუბო მუნდიალი 2-ჯერ, ესპანეთის სუპერთასი 3-ჯერ და ევროპის სუპერთასი 2-ჯერ.

