ჟორდი ალბა უახლოეს საათებში შეიძლება ოფიციალურად გახდეს ”ბარსელონას” ფეხბურთელი. კატალონიური და ვალენსიური კლუბების ხელმძღვანელები ბარსელონაში ხვდებიან.
დღეს, 14:10 საათზე ბარსელონას აეროპორტში ”ვალენსიას” თვითმფრინავი დაეშვა. კატალონიაში ”ვალენსიას” პრეზიდენტი, მანუელ ლორენტე ჩაფრინდა. თვითმფრინავის ბარსელონაში დაშვებისთანავე კატალონიური კლუბის ხელმძღვანელები რესტორანში გაემართნენ.
ისინი რესტორანში მხოლოდ სადილს არ გეგმავენ. რესტორანში იმყოფებიან ვიცე-პრეზიდენტი, ხოსეპ მარია ბართომუე და სპორტული დირექტორი, ანდონი სუბისარეტა. მათი იქ ყოფნის მოტივი კი ერთადერთია: ჟორდი ალბას ტრანსფერის დასრულება. თუკი გავითვალისწინებთ, რომ მანეულ ლორენტე თავად ჩაფრინდა ბარსელონაში უნდა ველოდოთ, რომ მხარეები შეთანხმებასთან ძალიან ახლოს არიან.
საუბრები მიმდინარეობს, რომ სატრანსფერო თანხა 12-15 მილიონ ევროს შეადგენს. ორივე კლუბის და განსაკუთრებით ფეხბურთელის სურვილია, რომ ტრასნფერი ევროპის ჩემპიონატის დაწყებამდე დასრულდეს.