მთავარ შიგთავსზე გადასვლა
ჩაერთე პროგნოზების ლიგაში და გამოიცანი მატჩების შედეგები! ითამაშე პროგნოზების ლიგა! თამაში
”ვისენტე კალდერონი” – მესის ტერიტორია

”ვისენტე კალდერონი” – მესის ტერიტორია

”ბარსელონას” არგენტინელმა ფეხბურთელმა, ლეო მესიმ 9 გოლი გაიტანა იმ სტადიონზე, სადაც სამეფო თასის ფინალი გაიმართება.

მესი ”ვისენტე კალდერონზე” თავს ისე გრძნობს, როგორც საკუთარ სახლში. არ არის სხვა სტადიონი, სადაც ლეო თავს ასე კარგად გრძნობს. აქ მას 9 ბურთი აქვს გატანილი, 8 ”ბარსას” რიგებში, 1 კი არგენტინის ნაკრებში. მოდით გავიხსენოთ ეს მატჩები:

პრიმერა. ”ატლეტიკო” – ”ბარსელონა” (0:6, 2007 წლის 20 მაისი). ორი გოლი. ლეომ მასპინძლების კარში პირველი და მე-5 გოლი გაიტანა. ”ატლეტიკოზე” გამარჯვება ლეოსთვის პირველი იყო მადრიდის ”ატლეტიკოსთან”.

ესპანეთის თასი. ”ატლეტიკო” – ”ბარსელონა” (1:3, 2009 წლის 6 იანვარი). სამი გოლი. ის მატჩი არგენტინელისთვის ბენეფისი იყო, სადაც მან ჰეთ-ტრიკი შეასრულა და მადრიდელი პუბლიკისგან აპლოდისმენტები მიიღო.

პრიმერა. ”ატლეტიკო” – ”ბარსელონა” (4:3, 2009 წლის 1 მარტი). ერთი გოლი. ლეომ ”ატლეტიკოს” კარში მე-2 გოლი გაიტანა, თუმცა მასპინძლებმა შეხვედრის შემოტრიალება და გამარჯვება მოახერხეს.

ამნახანაგური შეხვედრა. ესპანეთი – არგენტინა (2:1, 2009 წლის 14 ნოემბერი). ერთი გოლი. ლეო მესის 11 მეტრიანიდან გატანილმა გოლმა დიეგო მარადოს გუნდს საშუალება მისცა შეხვედრაში ანგარიში გაეთანაბრებინა.

პრიმერა. ”ატლეტიკო” – ”ბარსელონა” (1:2, 2010 წლის 19 სექტემბერი). ერთი გოლი. ლეომ მატჩში ანგარიში გახსნა, თუმცა მოედნის ადრე დატოვება მოუწია, რადგან ტომას უიფალუშიმ ტრავმა მიაღებინა.

პრიმერა. ”ატლეტიკო” – ”ბარსელონა” (1:2, 2012 წლის 26 თებერვალი). ერთი გოლი. ლეოს საჯარიმოდან შესრულებულმა შესანიშნავმა დარტყმამ კურტუას შანსი არ დაუტოვა, ასევე ამ გოლით ”ბარსამ” გამარჯვების მოპოვება შეძლო.

ითამაშე პროგნოზების ლიგა!

გამოიცანი ბარსელონას მატჩების შედეგები, დააგროვე ქულები და გახდი საუკეთესო პროგნოზისტი.

თამაში