ფრანკ კესიე აფრიკის ჩემპიონია | კოტ-დ’ივუარის საოცარი ისტორია

“ბარსელონას” ყოფილი ფეხბურთელის, ფრანკ კესიეს კოტ-დ’ივუარი აფრიკის ჩემპიონია.

კოტ-დ’ივუარი ფინალში ნიგერიას დაუპირისპირდა და 2-1 დაამარცხა. ანგარიში უილიამ ტროსტ-ეკონგის გოლით ნომინალურმა მასპინძელმა გახსნა, მაგრამ 62-ე წუთზე ფრანკ კესიემ წონასწორობა აღადგინა, 81-ე წუთზე კი სებასტიან ალემაც გაიტანა და თავის ქვეყანას კონტინენტის ჩემპიონობა მოუტანა.

კოტ-დ’ივუარის ისტორია ნამდვილად გასაოცარია. 18 დღის წინ, “სპილოებმა”, აფრიკის ერთა თასის ჯგუფურ ეტაპზე ზედიზედ წაგებული მატჩების შემდეგ, მთავარი მწვრთნელის თანამდებობიდან ფრანგი ჟან-ლუი გასე გაათავისუფლეს. გუნდი ჯგუფიდან მაინც გავიდა და ახალ თავკაცად ემერს ფაე დანიშნა, რომელსაც არანაირი სამწვრთნელო გამოცდილება არ ჰქონდა – 4 მატჩის შემდეგ, მან კოტ-დ’ივუარს ტიტული მოაგებინა. 

რაც შეეხება კესიეს – მან “ბარსელონაში” 2022/23 წლების სეზონი გაატარა, 43 მატჩი ჩაატარა, 3 გოლი გაიტანა და 3 ასისტი მიითვალა. კოტ-დ’ივუარელი “ბარსასთან” ერთად ესპანეთის ჩემპიონი გახდა და ესპანეთის სუპერ თასიც მოიგო.