4 დღის წინ ცნობილი გახდა, რომ რობერტ ლევანდოვსკი “ბარსელონაში” გადმოდიოდა.
“ბარსამ” 16 ივლისს ოფიციალური განცხადება გაავრცელა, სადაც ეწერა, რომ კლუბმა “ბაიერნთან” პრინციპულ შეთანხმებას მიაღწია – ეს ნიშნავს, რომ პოლონელის ტრანსფერი სამედიცინო შემოწმების გავლაზე იყო დამოკიდებული.
ახლახან კი, ვინაიდან მან ეს პროცედურა წარმატებით გაიარა, “ბარსელონამ” ოფიციალურად დაადასტურა, რომ ლევანდოვსკი “ლურჯ-ბროწეულისფერია”!
კატალონიური გრანდი რობერტის სანაცვლოდ €45 მილიონს + ბონუსების სახით €5 მილიონს გადაიხდის. ლევანდოვსკი კლუბთან 4-წლიან კონტრაქტს აფორმებს, მისი გამოსასყიდი თანხა კი €500 მილიონი იქნება.
პოლონელი ვარსკვლავის პრეზენტაცია დღეს, თბილისის დროით 20:00 საათზე, მაიამიში გაიმართება.
აბა შენ იცი ლევანჩიკ, როგორ გვასიამოვნებ.
წარმატებები და ბევრი გოლები.
ძალიან დიდი იმედი მაქვს ამისი, ფერან ტორესის შემდეგ კი ვიყავით დაბნეულები, გოლი ვის უნდა გაეტანა, მაგრამ აგერ რაფინიას რო არ ველოდით პირველივე თამაშში ისეთი გოლი გაიტანა ფერანს რო 5-6 ცდა უნდა იმავე პოზიციიდან. ახლა ეს გოლიკაცი გვემატება და აღარ გვადარდებს მშრალი თამაშები.
მევასება ლევანგოლსკი🙃
მიდი ლომო შენ იმედზე ვართ აქ ბიჭები