ცხოვრებაში მილიონები ყველაფერს არ ნიშნავს – ბარსელონას გულშემატკივრები, პროტესტის ნიშნად, კადისთან მატჩს არ დაესწრებიან

ხუთშაბათს დაფიქსირებული შემთხვევა ჩვენს ისტორიაში სამარცხვინო ფაქტად სამუდამოდ ჩაიწერება. როგორც “ბარსელონას” გულშემატკივრები და წევრები, ამ სტადიონზე ბევრი გამარჯვება და ბევრი მარცხი გვინახავს, მაგრამ, როგორც ფანებმა, სოციალური განადგურება ვიწვნიეთ, რასაც ვერასდროს დავივიწყებთ. ბოლო სეზონებში, კლუბისგან, თავისუფალი ადგილებისთვის ასე მოპყრობა და ტურისტებისთვის/მოწინააღმდეგის ქომაგებისთვის ბილეთების ადვილად ხელმისაწვდომობა ჩვეული ამბავი გახდა – კატალონიელი საზოგადოებისთვის ფასების პოლიტიკა აუტანელია, მაგრამ, ახლა მათ ყველანაირ ლიმიტს გადააჭარბეს და “ბარსას” სოციალურ მასას საფრთხე შეუქმნეს.

ჩვენთვის, რთულია იმის გაგება, ეს შემოჭრა უსაფრთხოების დეპარტამენტს შეუმჩნეველი როგორ დარჩა. გვაინტერესებს, ეს მათთვისაც მოულოდნელი იყო თუ, 3 მილიონის მისაღებად, მოვლენებს უბრალოდ უმოქმედოდ უყურებდნენ. არც იყო გასაკვირი, რომ მათ “ბარსას” ფანებს “განსაკუთრებული” ყურადღება მიაქციეს და 30 000 გერმანელ ფანზე მეტი არ დაუშვეს – მადლიერნი ვართ, რომ “აინტრახტის” ქომაგები ევროპაში ყველაზე კონფლიქტური არ არიან, თორემ, ვინ იცის, ახლა სად ვიქნებოდით.

ჩვენი მიზანი – მარტივი, მაგრამ, რთულია: განწყობის შექმნა და მოგებისთვის გუნდის წახალისება, რადგან, აშკარაა, რომ, როგორც ფანები, მოედანზე მე-12 მოთამაშის როლი გვაქვს. თუმცა, ხუთშაბათს მომხდარმა შემთხვევამ გვაიძულა, საჭირო ზომები მივიღოთ, როგორც მატჩის დროსა და სხვა სიტუაციებშიც გავაკეთეთ – სწორედ ამ მიზეზით, “ბარსელონასა” და “კადისის” მატჩს არ დავესწრებით.

დარწმუნებულნი ვართ, რომ, როგორც “ბარსელონას” ფანები და წევრები, ასეთ ინციდენტს ვეღარ დავუშვებთ. მხარეებს შევახსენებთ, რომ ცხოვრებაში მილიონები ყველაფერს არ ნიშნავს, განსაკუთებით მაშინ, როცა იმ გუნდზე ვსაუბრობთ, რომლის დევიზიც “მეტი, ვიდრე კლუბია”.

ბარსელონა, შაბათი, 17 აპრილი

“ბარსელონას” გულშემატკივრები