ოფიციალურად: ბართომეუ “ბარსელონას” პრეზიდენტი აღარაა

ჟოზეპ მარია ბართომეუმ ახლახანს პრესკონფერენცია გამართა და “ბარსელონას” პრეზიდენტის პოსტიდან გადადგომა ოფიციალურად დაადასტურა.

“აქ ვარ იმისათვის, რომ ჩემი და ჩემი ბორდის გადადგომა დავადასტურო”.

“ეს გააზრებული, მშვიდი გადაწყვეტილებაა, რომელიც ჩემს კოლეგებთან კონსულტაციის შემდეგ მივიღე”.

“კატალონიის მთავრობამ ხმების დეცენტრალიზება გვთხოვა. მთავრობას სხვა არაფერი უთქვამს. მან არ დააკმაყოფილა ჩვენი მოთხოვნა, რომ რეფერენდუმისთვის მოსამზადებლად 15 დღე გვქონოდა და არც არაფერი უთქვამს რეფერენდუმის თარიღზე”.

“არსებობს მთავრობის წინააღმდეგობრივი და უპასუხისმგებლო გადაწყვეტილებები”.

“ჩემპიონთა ლიგაზე “ბაიერნთან” წაგების შემდეგ გადადგომა ადვილი იყო, მაგრამ კრიტიკული გადაწყვეტილებები უნდა მიგვეღო. კლუბს მწვრთნელის იმედზე ვერ დავტოვებდით”.

“პატივს არ გვცემდნენ. შეურაცხყოფას გვაყენებდნენ და გვემუქრებოდნენ მე, ჩემს ოჯახასა და დირექტორთა საბჭოს სხვა წევრებს”.

“წევრების უსაფრთოხების გამო გადადგომა გადავწყვიტეთ”.

“შემიძლია საოცარი სიახლე დავაანონსო… გუშინ მივიღეთ მომვალის ევროპის სუპერ ტურნირში მონაწილეობის მოთხოვნა, რაც კლუბის ეკონომიკური სტაბილურობის გარანტია იქნება. დღეს მსოფლიოს საკლუბო ჩემპიონატის ახალი ფორმატი მივიღეთ”.

“ჩემი კლუბის სამსახურში ყოფნა პატივი იყო. თანამდებობას ვტოვებთ პროგრესული ეკონომიკური მიზნების განხორციელების გარეშე. იმედი მაქვს, მომდევნო დღეებში ხელფასების დარეგულირების საკითხი გადაწყდება. თუ ეს არ მოხდება, მომავალში კლუბს სერიოზული პრობლემები შეექმნება”.

“ვაღიარებ, რომ გუნდი ერთი წლით უფრო ადრე უნდა გაგვეახლებინა”.

“კლუბი უდავო სიმტკიცით ტრაბახობს. დავიწყეთ და განვავითარეთ უამრავი ბიზნეს გარიგება”.

“იმედი მაქვს, დრო, ბოლო 10 წელი, როდესაც გუნდმა 22 წელი მოიგო, გამორჩეული და დაუვიწყარია”.

“2004 წლის შემდეგ გულშემატკივრებმა გამოიარეს ეპოქა, რომელიც მათ არასდროს გამოუვლიათ”.

“შემდეგ პრეზიდენტს ყველაფერს საუკეთესოს ვუსურვებ. იმედი მაქვს, ფანები “ბარსელონათი” კვლავ ისიამოვნებენ”.