ლოთარ მათეუსი: ლეო მესის შემდეგ მსოფლიოს საუკეთესო ფეხბურთელი ლევანდოვსკი გახდება

UEFA-ს ჩემპიონთა ლიგის მეოთხედფინალში “ბარსელონას” მეტოქე მიუნხენის “ბაიერნი” იქნება. 

გერმანული კლუბის ლიდერი, რობერტ ლევანდოვსკი საოცარ ფორმაშია: მას მიმდინარე სეზონში გოლებისა და საგოლე პასების კომბინაციით საუკეთესო მაჩვენებელი აქვს. მის ანგარიშზე 44 შეხვედრაში 53 გოლი და 8 ასისტია, “ბარსას” კაპიტან ლეო მესის კი 43 მატჩში 31 გოლი და 27 საგოლე გადაცემა აქვს. 

მატჩის “ბაიერნის” ლეგენდა, ლოთარ მათეუსი პოლონელ თავდამსხმელს აქებს. 

“ლეო მესი შეხვდება ფეხბურთელს, რომელიც მსოფლიოს საუკეთესო ფეხბურთელის სტატუსის მომდევნო მფლობელი იქნება. ის საუკეთესო ფეხბურთელია და არა უბრალოდ საუკეთესო ფორვარდი”. – ამბობს მათეუსი. 

“ბარსა”-“ბაიერნის” დაპირისპირება 14 აგვისტოს, ლისაბონში, “ეშტადიუ და ლუშზე” გაიმართება.