ტოპ პერფორმანსი ჰანსი ფლიკის გუნდისგან – ბარსელონამ ფეიენორდი 5-1 დაამარცხა

ბარსელონამ ჩემპიონთა ლიგის ახალი სეზონი ბრწყინვალე პერფორმანსით გახსნა – ჰანსი ფლიკის შეგირდებმა კამპ ნოუზე ფეიენორდი 5-1 დაამარცხეს.

ბარსა რაფინიამ დააწინაურა – ბრაზილიელმა შესანიშნავი მოძარაობით მეტოქის ორი ფეხბურთელი გაზონზე გაასრიალა და ტიარკ ერნსტის კარი აიღო. მეორე გოლი ქარიმ ადეიემიმ შორეული დარტყმით გაიტანა და პირველი ტაიმი 2-0 დასრულდა.

მეორე ნახევარში კატალონიურმა გრანდმა მეტოქეს კიდევ 3 გოლი შეუგო. რაფინიამ მეორეც გაიტანა და დუბლი შეასრულა, შემდეგ კი ლამინ იამალმა, რომელმაც რამდენიმე წუთით ადრე კაპიტნის სამკლავური გადაიბარა, ჯარიმა დიდებულად დაარტყა და სტუმართა გერმანელ მეკარეს შანსი არ დაუტოვა. სემ სტეინმა ერთი გოლი გაქვითა, თუმცა მალევე გაბრიელ ჟეზუსმა თავური დარტყმით საბოლოო ანგარიში დააფიქსირა – 5-1!

ბარსელონა 5-1 ფეიენორდი

⚽ 1-0, რაფინია 3′. 2-0, ადეიემი 22′. 3-0, რაფინია 57′. 4-0, იამალი 77′. 4-1 სტეინი 82′. 5-1, ჟეზუსი 85′.

ბარსელონა ჩემპიონთა ლიგის მომდევნო ტურში გალათასარაის დაუპირისპირდება, მანამდე კი გუნდს რამდენიმე მატჩი ლა ლიგაში ელის.