არგენტინის ფეხბურთის ფედერაციის პრეზიდენტი, ხულიო გორდონა აცხადებს, რომ ლიონელ მესი მსოფლიო ფეხბურთის ისტორიაში საუკეთესო ფეხბურთელია. იტყობინება ესპანური პრესა.
შეგახსენებთ, რომ უამრავი ადამიანი მესის იმ შემთხვევაში აღიარებს საუკეთესოდ, თუ მსოფლიო ჩემპიონატს მოიგებს არგენტინის ეროვნულ ნაკრებთან ერთად.
“რა თქმა უნდა, მსოფლიო ჩემპიონატის მოგება “ალბისელესტეს” შემადგენლობაში ძალიან მნიშვნელოვანია. თუმცა მესის შემთხვევაში არ არის აუცილებელი მსოფლიოს ჩემპიონობა, რათა იგი აღიარონ მსოფლიო ფეხბურთის საუკეთესო ფეხბურთელად. მას უკვე აქვს ეს სტატუსი, რადგანაც არგენტინელმა უამრავი ტიტული მოიგო. სწორედ ჩვენ ვამაყობთ მესითი და არა მესი – ჩვენით”. დაასრულა გორდონამ.
