”მილანი” ძალიან ახლოსაა პატოს ”პსჟ”-ში გაშვებასთან და უკვე თითქმის ცნობილია, თუ სად გეგმავენ ისინი მიღებული თანხის დახარჯვას.
როგორც ცნობილია ”პსჟ” სერიოზულადაა დაინტერესებული პატოთი. იტალიურ გუნდს ნამდვილად შეუძლია თავს იმის უფლება მისცეს, რომ ბრაზილიელი გაყიდოს და იფიქროს, თუ სად დახარჯავს მიღებულ თანხას. ფრანგები ”მილანს” პატოში 40 მილიონ ევროს სთავაზობენ.
იტალიური პრესის ცნობით ზაფხულში ”მილანი” შეეცდება ”ბარსელონას” ნახევარმცველის, ხავიერ მასკერანოს შეძენას. იტალიის ჩემპიონის ხელმძღვანელებმა იციან, რომ მასკერანო გვარდიოლასთვის ძალიან მნიშვნელოვანი ფეხბურთელია, თუმცა მათი აზრით როცა ჯიბეში 40 მილიონი ევრო გიდევს კატალონიური კლუბის ხელმძღვანელებთან საუბარი ადვილი გახდება.
