მსოფლიოს ჩემპიონები სამშობლოში ბრუნდებიან. სეზონის პირველი ნახევრის დასრულებამდე “ბარსელონას” მხოლოდ ერთი მატჩი დარჩა ჩასატარებელი. კატალონიელები ესპანეთის სამეფო თასის გათამაშებაში “ოსპიტალეტს” ხუთშაბათს დაუპირისპირდებიან, თუმცა არა სრული შემადგენლობით.
პეპ გვარდიოლამ მიიღო გადაწყვეტილება, რომ დღეიდან 29 დეკემბრის ჩათვლით სამხრეთ ამერიკელ და აფრიკელ ფეხბურთელებს დასვენების საშუალება მისცეს. ამგვარად “ოსპიტალეტთან” მატჩში მონაწილეობას არ მიიღებენ ლიონელ მესი, ხავიერ მაშერანო, მაქსველი, ადრიანო, დანიელ ალვესი, ალქესის სანჩესი და სეიდუ კეიტა.
